хэхэсу упсэун

У хэхэсу щытымэ; уафэм имыту щ1ылъэми тэмыту жыхуа1эм хуэду утыку укъинарэ;зы убыдып1э уимы1эжу – зы гурыф1ыгъуэ щымы1эжу  мы дунэишхуэм укъытэнауэ аращ.

У хэхэсу щытымэ; нобэрей махуэ закъуэм упсэууэ;дыгъуасэ е абы ипэ ущымы1ауэ(тхыдэ уимы1эуэ) аращ. Уи адэжь щ1эиныр пф1эк1уэдарэ къыпхуэна т1эк1ури пхуэмыхъумэжу, апхуэду щыхъук1э «пщэде» жыхуиэ псалъэм уэрк1э зы мыхэнэ имы1эжырэ къэк1уэну зэманым  гугъэ хуимы1эуэ аращ.

У хэхэсу щытымэ; уи зы ныкъуэр пф1эк1уэдауэ аращ.Сыт умыщ1эми уи гу тыншу уи нэгу гуф1эу "уэху" жып1эфыну1ым. Узыдэпсэу лъэпкъым зыщыпхъумэу,узэрыпсэу щэнхабзэм зебгъэужьын ебгъэф1эк1уэн дэнэ къэна,а зэрыщыт дыдэу пхуэмыхъумэу укъэгъуэгурык1уэнущ. К1эщу жып1эмэ; щтэ1эщтаблэу уи гъащ1э псэур къэпхьынущ.

У хэхэсу щытымэ; Узыхэсым уэмыщхьу узыщыщыми уэмыщхьыжу уихъуэжынущ зэманым....Илъэсищэрэ щэ ныкъуэк1э узпэжыжа уи къуэпсыми узэремыщхьыжым, блэк1а зэманым фи зэхуакум зэщхьэщыкыныгъэхэр къызэрыдигъэувам гу лъыптэнущ уигъэнэщхъеуэ.

У хэхэсу щытымэ;Уи гуф1ак1эм дэлъу,е уи блыным ф1эдзауэ пхъумэ ныпыр зэи уэфэгум жьым щызэрихьэуэ плъагъуну1ым. Хамэ ныпым ущ1этынущ,хамэ щ1ыгум утэтынущ уищхьэр егъэзыхарэ уи гум зы у1эгъэ щыгъэпщк1уауэ.

У хэхэсу щытымэ; уи быным ущеплъым уи гур узынущ.         Ахэр узыхэс лъэпкъымрэ абы я щэнхабзэмрэ зэрыпф1адыгъур плъагъунущ....Мы тхьэмыщк1агъэм гу лъыптэрэ пэт уи 1э зыри зэримылъым, къыпщыщ1ам узэрыпэмуувыфым уи гу къеуэри т1ыуащ1э ищ1ынущ.

У хэхэсу щытымэ; узытеувэ щыр,ипф псыр,епшэх жьыр зэрыуэмер пщ1энущ,умыщ1эми уагъэщ1энущ.             Нэгъуэщ1у жып1эмэ уи хэку унэсыжырэ уи лъэпкъым уахэзэгъэжыфымэ утыншыжынущ, армырамэ мы дунем хьащ1эу утету аращи зыри уи1эну1ым.

Щыдублэм зэрыжыт1ауэ, уафэми уимыту щылъэми утемыту упсэунщи ук1уэдыжынщ У хэхэсу щытымэ.

Пэрыт.