Тыркум къыщыдэк1а тхылъыщ1эхэр

Анкара щы1э KAF-DAV зиц1э Кавказ тхыдэмрэ щэнхабзэмрэ къэхутэжыным елэжь зэгухьэныгъэм къыдигъэк1а тхылъыщ1эхэр к1эщ1у фыдогъэц1ыху.

Нобэ къэс мин 3'м нэса тхылърэ документрэ зэхуихьэсыжу и нэхъыбэр щ1эу къытырезыгъэдзэжа мы лэжьап1эм ф1ыщ1э хуэфащэщ.

Япэ тхылъыр "Кавказым и тхыдэр 1" ц1эк1э къыдэк1ат. А тхылъ хьэлэмэтым  Мэт Чунэтыкъуэ Йусуф Изэт пашэ’м и тхыгъэхэр щызэхахьэсыжат.

Ет1уанэ том иджы къыдэк1ами абы къык1элъык1уэ тхыгъэ к1эщхэри къыриубыдэу зэхалъхьащ.

Тхак1уэм мы тхылъым щитхыжа дэтхэнэ хъыбарыми тхыдэл1 ц1эры1уэхэм ятхыжахэмрэ жаы1жахэмрэ тэгъэщап1эуэ щыхьэты1уэ къыщегъэлъагъуэ.

Мы тхылъым тхак1уэм 1914 илъэсым къыдигъэк1а "Кавказым и тхыдэ" тхылъымрэ 1914-1918 и зэхуаку итхыжа гукъинэж-тхыдэ докумэнт к1эщ1хэмрэ щызэхуихьэсауэ, –си документхэр- зыф1ища уэсмэныбзэк1э тха тхылъ ц1ык1уитхумрэ итхэр щызэхэлхьэжа хъуащ.

 

Ет1ууанэ тхылъыр Къэбэрдейм щыпсэу тхыдэл1 Руслан бэтрозов и лэжьыгъэщ. Ар Адыгэхэм я этнически тхыдэ зиц1э тхылъыращ. Абы итщ адыгэхэм я къуэпсыр зыдынэсымрэ,пасэрей зэманым къавказым щы1а културэмрэ псэук1эмрэ теухуа тхыгъэхэр.

----

Ещанэ тхылъыр Урыс тхак1уэ Игор Кутценко и тхылъ "правда и кривда" жыхуи1эращ. Ари мэйкъапэ щыпсэу Гунай Чэтау тыркубзэк1э къызэридзэк1ащ.

Мы тхылъыр В.Натушняк итха "кубан къэзакъхэм я илъэс 300" жыхуи1э тхыгъэм Адыгэхэр зэригъэпудым къэзакъхэм зэрыщытхъум и жэуапу ятхыжа тхылъ хьэлэмэтщ.

---------

Епл1анэ тхылъыр Тыркум щыпсэу тхак1уэ К1эрэф Йалчын и лэжьыгъэщ.

Чэркэс гупщысэк1э зыф1ища тхылъым нобэ диаспорэм щыпсэу Адыгэхэм я 1уэху еплъык1эмрэ,я гупщысэк1эмрэ топсэлъыхь.

Адыгэ интэлэгэнциам и гупщысэк1эмрэ, и лъэпкъ хущытык1эмрэ,къэк1уэну зэманым проект зэрыхуимы1эмрэ игъэп1эйт1эй тхак1уэм ди щытык1эмрэ лъэпкъ гупщысэм зызэримыужьымрэ къызыхэк1 щхьэусыгъуэхэр дегъэлъагъуж,къыдгурегъэ1уэж.

PERIT