Де хамэ къэрал къыщалъху, гъащ1эм и зы лъэхъэнэр хамэ лъэпкъхэм яхэсу ихьа нэужь,нобэ и адэжь щ1ыналъэ къэзыгъэзэжа диаспора Адыгэхэм дащыщс.

хэку дыбж мы щыналъэм,Лъэпкъу дыбж мы ц1ыхубэм зэхуагъэрэ гу къэбзагъэк1э дабгъэдэтыныр,псоми зэрытлъэк1 хуэдизк1э лъэпкъым и гъащ1эр егъэф1эк1уэным дыхуэлэжьэныр  дэтхэнэ зыми къалэну зыхудогъэув.

Адэк1э уплъэмэ,дыкъызыхэк1а ди лъэпкъэгъухэр нэрылъагъуу махуэ къэс зыхэс лъэпкъхэм яхок1уадэ.

Мыбы къик1ыр къэк1уэну зэманым худи1э гугъэр к1уэху нэхъ мащ1э хъууэ аращ.

К1эщ1у жып1эмэ дык1уэду аращ.

Дэ пщэде къэсыну зэманым ф1ык1э дыпэплъэнумэ; ди лъэпкъ щэнхабзэр къызэф1эдгъэувэжу едгъэф1эк1уэн,нобэрей гъащ1эмрэ дыщыпсэу зэманымрэ зыхуэныкъуэ 1уэху еплъык1эхэр къызэдгъэпэщын хуещ.

Ди културэм къару и1эрэ гъащэм дэгъуэгурык1уэу дрипсэужын хуещ.

Псом япэрауэ диаспорам щыпсэу ди лъэпкъэгухэр мык1уэдыжын папщ1э а културэр ялъэ1асу,ирипсэухэу,ди зэпыщ1эныгъэр махуэ къэс нэхъ хэхъуэу щытын хуещ.

Адыгэр къэк1уэну зэманым лъэпкъу дунем дыкъытененумэ, и щ1ыналъэ ираху дуней псом икъухьа щыхъуа ди лъэпкъэгъухэм къэтшэл1эжыф хуэдизыр хэкум къэшэльэжын хуещ.

Къэдымшэл1эжыфым е къэзмыгъэзэжыфыми хэкум и 1эф1ымрэ,ди културэм и дэхагъымрэ,ди тхыдэм и къулэягъымрэк1э зыщ1эдгъакъуэу, ди къуэшхэр хамэ лэпкъым яхэк1уэдэжыным щытхъумэн хуещ.

Мыр лъэпкъ гупщысэ зыхэлъ дэтхэнэ Адыгэми и къалэн нэхъыщхьэу щытын хуещ.

 Дэ мы гупщысэр ди лэжьыгъэм лъабжьэ худощри зыныфхудогъазэ.

Мы 1уэху еплъык1эм къыхэк1ыу тф1эзахуэхэр фи пащхьэ ныдолъхьэ :

1   Нобэ хэкум къэк1уэл1эжауэ щыпсэу дэтхэнэ зы ц1ыхури, хэкумрэ диаспорам щикъухьа ди лъэпкъэгъухэмрэ зыхуэзышэ зы гъуэгуу, лъэныкъуит1ыр зэзыпх зы лъэмыжу къыдолъыте.

2  И хэкум къэк1уэл1эжыну ц1ыхухэм дадэ1апыкъуныр.

Ахэр къызыхыхьа гъащ1эмрэ,къыздагъэзэжа щ1ыпэмрэ гугъуэхьыншэу егъэсэжыныр,

къапыкъуэк1ыну  гугъуехьхэмрэ,хабзэм къызэригъэуву ягъэхьэзырыну докумэнтхэмрэк1э ядэ1эпыкъуу, гъуэгу языгъэлъагъун зы хасэ къызэгъэпэщын хуещ амалыншэу.

3 Дэ дызытепселъыхь мы 1уэхур лъэпкъ 1уэхущ.

къэдлэжыну ахъшэм , ди щхьэ 1уэхук1э къытхуащ1ыну пщ1эм,ауэ ди ц1э дгъэ1ужу  къыдаплъыну фэм нэхърэ куэдк1э нэхъапэщ лъэпкъым и 1уэхур.

Нт1э мы гупщысэр тф1эзахуэу делэжьынумэ, дызытепселъыхьым къек1уу дыщытын, ди гупщысэм лъабжьэ хуэтщ1а Адыгэ хабзэмрэ Адыгэ напэмрэ,Адыгэ ц1ыхугъэмрэ зэи дытемык1у дыпсэун хуещ.

Ц1ыхухэр ф1ымрэ захуэмрэ дахэмрэ къыхуезыджэр ипэ езыр щапхъэ хъун хуещ.

4 Щапхъэ мыхъумыщ1эхэм хэкум ис ди лъэпкъэгъухэмрэ диаспорам щыпсэу ди лъэпкъэгъухэмрэ я зэхуаку дэлъ зэпыщ1эныгэр зэрызыпаудыр къыдгуры1уэуэ ди щытык1эмрэ,ди псэук1эмрэ,ди гупщысэк1эмрэ захуэу,нахуэу, ди къуагъ зэи мыхъумыщ1э къыкъуэмык1ыжу дыпсэун хуещ.

5 дэ мы щ1ыналъэм зи нэр ахъшэм щипхъуауэ мылкук1э гужьэя зы сатуущ1, е мы хэку дахэм къэк1ухьак1уэ, зыплъыхьак1уэ къэк1уа зы турист хуэду дыкъэк1уакъым.

дэ мы щ1ыналъэм худи1е зэпыщ1эныгъэр анэмрэ и бынымрэ я зэхуаку дэлъ лъагъуныгъэм хуэдэщ.    Зэи мыхъумыщ1э хыомыгъуэтэну,зэи пц1ырэ къуэншагъэрэ хэмызэгъэну.

Ди адэхэмрэ,ахэм я адэжхэмрэ,ахэми я адэжхэмрэ я нэ къыхуик1у дунем ехыжащ мы хэку дахэм.

Ауэ тхьэм и ф1ыщ1эк1э дэ нобэ ди хэку  дыкъэк1уэжыфащи япэ дыдэ длэжьыпхъэр, гуп гуэшаурэ дызэримыщ1ык1ыуэ дыкызхыхьэжа гъащ1эмрэ лъэпкъымрэ дахэзэгъэжыныращ.

Ц1ыхухэм я гуапэр ди гуапэу,я гуауэр ди гуауэу гукъабзэк1э дадэвгъэпсэу.

Хэкуми диаспорами и 1уэхур зытетыр щытщ1эк1э,лъэныкъут1ым я зэхуаку захуэм ухуэзышэ гъэгуу дыдэвгъэувэ.

6 Дэ политика 1уэху лъэпкъ зетхуэркъым,ик1и зэтхуэнукъым.Зэи мыхъумыщ1эр, зэгурымы1уэныгъэхэр къызэщ1эдгъаплъэу къызэщ1эдгъэсту 1уэхум дыбгъэдыхьэнукъым.

Псом ипэ къызыдэдгъэзэжа ди адэ хэкужьым щэк1уэк1 гъащ1эр зерытлъэк1 хуэдиз дгъэдэхэну,едгъэф1эк1уэну, экономикэ и лъэныкъуэк1э,културэ и лъэныкъуэк1э дэри гъащ1эм дыхэзэгъэжыну, зэи мухьэжыр къытхужамы1эфын хуэду хабзэмк1и псэук1эмк1и,ди хэкумрэ ди лъэпкъымрэ дахэпщэжа дыхъуну дыхуещ.

7 Дэ нобэ ди пащхьэ илъ гугъуехьхэм я нэхъыбэр, гупщысэк1э дызэрызылъэмы1эсым,зым жиэр адрем къызэрыгурымы1уэм, зэрыф1эмы1уэхум къыхэк1у къыдолъыте.

Мы ди щыуагъэм къытхуихь гугъуехьхэр,псоми езым и къарук1э лъэныкъуэ иригэзыну яужь итщ.

Ауэ мыпхуэдэ 1уэху еплъык1эр захуэкъым.

Языныкъуэхэми, мыхэдэу дызэрикъухьар къагъэсэбэпыну яужь итщ уижагъуэ зэрыхъунщи.

Мы 1уэхум йегупсысауэ тепсэлъыхьауэ, ц1ыхухэм захуэр ягурыгъэ1уэн,пежыр ягэлъагъун хуещ.

Ахуэдэу тхуэщ1ымэ зэманыри тф1эк1уэдынукъым, ц1ыхухэри гъуэгу къуаншэм тетурэ езэшу я гур икъутэхьынукъым.

Дэ ищхьэк1э зэрыщыжыт1ауэ, диаспорам къик1ыжа ди къуэшхэр ф1ык1э щапхъэ зэрыхъунум къыхудоджэ.

Хабзэм емыбакъуэу,ц1ыхухэм ягуры1уэу,лажьэу пщ1ант1эу,гъащ1эм ф1ыгъэрэ зэхуагъэк1э хэлэжыхьу,зыдэпсоухэм пщ1э яхуищ1рэ езыми пщ1э зыхуригъэщ1ыжыфу щытын хуещ хэкум къэзыгъэзэжа дэтхэнэ зы ц1ыхур.

Иджыри зэ нывжыдо1эри , дэ хэкум ис ди къуэшхэмрэ дунем щикъухьа ди къуэшхэмрэ я зэхуаку лъэныкъуит1ыр зэпызыщ1э гъуэгуу дыдэтын хуещ.

Дэ, ищхьэк1э зи гугъу фхуэтщ1а  щытык1эмрэ гупщысэк1эмрэ  дызэбгэдишэну,дызэбгэдигъэувэну догугъэ.

дунем щикъухьа ди къуэшхэр хэкум къэзшэл1эжын зы эмал дыхуэныкъэщи, абы ехьэл1ауэ псори фхузэф1эк1 фщ1эну фыкъыхудоджэ.

Тхьэм димыгъэук1ытэ.

ПЭРЫТ